जळगाव लाईव्ह ट्रेंडस न्यूज प्रतिनिधी । जळगाव शहरातील छत्रपती शिवाजी नगर हुडको भागातून तरूणाच्या मालकीच्या ३८ हजार रूपये किंमतीच्या बकऱ्या चोरून नेल्याची घटना घटना मंगळवारी ११ मार्च रोजी सकाळी ११ वाजता उघडकीला आली आहे. याप्रकरणी बुधवारी १२ मार्च रोजी मध्यरात्री १ वाजता अज्ञात चोरट्यांविरोधात गुन्हा दाखल करण्यात आला आहे.
मुकेश बाबुराव कोळी वय २६ रा. छत्रपती शिवाजी नगर हुडको, जळगाव हा तरूण आपल्या परिवारासह वास्तव्याला आहे. त्याच्याकडे त्यांच्या मालकीच्या बकऱ्या असून त्यावर त्यांचा उदरनिर्वाह करतात. मंगळवारी ११ मार्च रोजी सकाळी ११ वाजेच्या सुमारास त्यांच्या पाच बकऱ्या बांधलेल्या होत्या. त्यावेळी अज्ञात चोरट्यांनी ३८ हजार रूपये किंमतीच्या पाच बकऱ्या चोरून नेल्या. ही घटना उघडकीला आल्यानंतर मुकेश कोळी यांनी बकऱ्यांचा सर्वत्र शोध घेतला. परंतू कोणतीही माहिती मिळाली नाही. अखेर त्यांनी याबाबत जळगाव शहर पोलीस ठाण्यात फिर्याद दिली. त्यानुसार बुधवारी १२ मार्च रोजी मध्यरात्री १ वाजता अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ योगेश पाटील हे करीत आहे.
