जळगाव-लाईव्ह ट्रेंडस न्यूज प्रतिनिधी । जळगाव शहरातील समता नगरात सुरू असलेले भांडण बघितले या रागातून एका तरूणासह त्यांच्या मुलाला शिवीगाळ करत धारदार शस्त्राने वार करून गंभीर जखमी केल्याची घटना शनिवारी १२ एप्रिल रोजी दुपारी दीड वाजेच्या सुमारास घडली आहे. याप्रकरणी रात्री ११ वाजता रामानंद नगर पोलीस ठाण्यात गुन्हा दाखल करण्यात आला आहे.
याबाबत अधिक असे की, जळगाव शहरातील समता नगरात राजेंद्र पुरूषोत्तम सैंदाणे (वय ३५) हे आपल्या परिवारासह वास्तव्याला आहे. शनिवारी १२ एप्रिल रोजी दुपारी दीड वाजेच्या सुमारास त्याच परिसरात इतर दोन जणांचे भांडण सुरू होते. त्यावेळी हे भांडण राजेंद्र सैंदाणे हा पाहत होते. याचा राग आल्याने राजेंद्र भिमराव साळुंखे, सागर गायकवाड, रोशन महाले, शंकर सोनवणे सर्व रा. समता नगर, जळगाव यांनी शिवीगाळ करून धारदार चाकूने वार करून राजेंद्र सैंदाणे याला गंभीर दुखापत केली. याप्रकरणी अखेर शनिवारी १२ एप्रिल रोजी रात्री ११ वाजता रामानंद नगर पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पुढील तपास पोहेकॉ अजित पाटील हे करीत आहे.
