अमळनेर-लाईव्ह ट्रेंडस न्यूज प्रतिनिधी । अमळनेरहून शिंदखेडा येथे दुचाकीने जात असतांना रस्त्यावरील गलवाडे गावाजवळ भरधाव वेगाने येणाऱ्या बसने जोरदार धडक दिल्याने गंभीर जखमी झालेल्या वृद्धाचा मृत्यू झाल्याची घटना शनिवारी २९ मार्च रोजी सायंकाळी ७.३० वाजता घडली आहे. या संदर्भात रविवारी ३० मार्च रोजी मध्यरात्री १ वाजता मारवड पोलीस ठाण्यात बस चालकावर गुन्हा दाखल करण्यात आला आहे. साहेबराव काशीराम पाटील (वय ७८, रा. तावखेडा ता. शिंदखेडा जि.धुळे) अशी माहीत झालेल्या दुचाकीस्वाराचे नाव आहे.
या संदर्भात अधिक माहिती अशी की, साहेबराव पाटील हे आपल्या परिवारासह वास्तव्याला असून २९ मार्च रोजी सायंकाळी ७.३० वाजता दुचाकी क्रमांक (एमएच १८ बीटी ००९३) अमळनेर करून शिंदखेडा येथे जात असताना रस्त्यावरील गलवाडे गावाजवळ समोरून येणारी बस क्रमांक (एमएच २० बी एल ११९२) ने जोरदार धडक दिली. या अपघातात साहेबराव पाटील हे गंभीर जखमी झाल्याने त्यांचा मृत्यू झाला. दरम्यान ही घटना घडल्यानंतर त्यांच्या नातेवाईकांनी अमळनेर ग्रामीण रुग्णालयात धाव घेतली होती. या संदर्भात त्यांचा पुतण्या रंगराव पाटील यांनी दिलेल्या फिर्यादीवरुन बसवरील चालक सुनील संतोष महाजन यांच्या विरोधात मारवड पोलीस ठाण्यात गुन्हा दाखल करण्यात आला आहे. या घटनेबाबत पुढचा तपास पोलीस कॉन्स्टेबल मुकेश साळुंखे करीत आहे.
