जळगाव-लाईव्ह ट्रेंड्स न्यूज प्रतिनिधी । महामानव डॉ. बाबासाहेब आंबेडकर यांच्या जयंतीनिमित्त जळगाव येथील डॉ. उल्हास पाटील वैद्यकीय रुग्णालयात अभिवादनाचा कार्यक्रम उत्साहपूर्ण वातावरणात पार पडला. समता, स्वातंत्र्य आणि बंधुता या मूल्यांची जाणीव करून देणारा हा कार्यक्रम सर्वांसाठी प्रेरणादायी ठरला.
१४ एप्रिल रोजी आयोजित या कार्यक्रमात मुख्य नर्सिंग अधीक्षक कार्यालयासमोर प्रमुख पाहुणे म्हणून डॉ. उल्हास पाटील आणि डॉ. वैभव पाटील यांच्या हस्ते दीपप्रज्वलन करण्यात आले. यानंतर डॉ. बाबासाहेब आंबेडकर यांच्या प्रतिमेला पुष्पहार अर्पण करून त्यांना अभिवादन करण्यात आले. कार्यक्रमादरम्यान उपस्थितांनी बाबासाहेबांच्या कार्याचा गौरव करत त्यांच्या विचारांचे स्मरण केले.
यावेळी विविध वक्त्यांनी डॉ. बाबासाहेब आंबेडकर यांच्या कार्य व विचारांवर आधारित भाषणे सादर केली. त्यांनी समाजातील वंचित घटकांसाठी केलेले योगदान, तसेच भारतीय संविधानाच्या निर्मितीत दिलेले अमूल्य योगदान यावर प्रकाश टाकण्यात आला. त्यांच्या विचारांची आजच्या काळातही तितकीच उपयुक्तता असल्याचे वक्त्यांनी नमूद केले.
कार्यक्रमात नर्सिंग सुपरवायझर आणि स्टाफ नर्स यांनी मोठ्या उत्साहाने सहभाग नोंदवला. त्यांच्या सहभागामुळे कार्यक्रमाला विशेष रंगत आली. रुग्णालयातील कर्मचारी आणि उपस्थितांनी बाबासाहेबांनी दिलेल्या समता, स्वातंत्र्य आणि बंधुता या मूल्यांचा प्रसार करण्याचा संकल्प केला.
