धरणगाव-लाईव्ह ट्रेंडस न्यूज प्रतिनिधी | धरणगाव शहरात नगरोत्थान (राज्यस्तर) अभियानांतर्गत नविन पाईपलाईन टाकण्यात आली असून त्यावर अधिकृत नळ कनेक्शन देण्याचे काम सुरू आहे. मात्र काही नागरिकांनी नविन जलवाहिनीवर अनधिकृतपणे नळ कनेक्शन घेतल्याचे उघड झाल्याने नगर परिषदेकडून धडक कारवाई करण्यात आली.
१४ एप्रिल २०२५ रोजी मुख्याधिकारी रामनिवास झंवर यांच्या मार्गदर्शनाखाली जुनी पोलिस लाईनजवळील संजयनगर येथील धान्य गोदाम परिसरात विशेष मोहिम राबविण्यात आली. या मोहिमेदरम्यान सहा अनधिकृत नळ कनेक्शन आढळून आले. संबंधितांवर दंडात्मक कारवाई करत कनेक्शन फी व इतर शुल्काची दुपटीने आकारणी करून एकूण ₹७२,००० इतकी रक्कम वसूल करण्यात आली. त्यानंतर सदर नळ कनेक्शन अधिकृत करण्यात आले.
मोहम्मद इकबाल मो. फहीज, तौकिर अली रियाजअली सैय्यद, शहेनाज बानो मोहम्मद सादिक शेख, मोहम्मद साजिद फैज मोहम्मद शेख, कामरान नुरोद्दीन शेख, आणि मोहम्मद अयाज मोहम्मद सिद्दीक. याशिवाय नय्यर अली सैय्यद यांचे नळ कनेक्शन कायमस्वरूपी बंद करण्यात आले असून त्यांच्यावर फौजदारी स्वरूपाची कारवाई प्रस्तावित करण्यात आली आहे. ही कारवाई कार्यालयीन अधीक्षक भिकन पारधी, कर निरीक्षक श्री. हितेश जोगी, विद्युत अभियंता श्री. राहुल तळेले यांच्या पथकाने केली. यावेळी धरणगाव पोलिस स्टेशनचे पोलिस निरीक्षक श्री. पवन देसले, सहायक पोलिस निरीक्षक श्री. संतोष पवार व त्यांचे कर्मचारी राहुल बोरसे, दिनकर मोरे, शिवाजी वाघ, गणेश सावंत यांनी सहकार्य केले.
मोहीम यशस्वी करण्यासाठी नगर परिषद कर्मचाऱ्यांनी महत्त्वाची भूमिका बजावली. सहभागी कर्मचाऱ्यांमध्ये अनिल पाटील, केशव पैठणकर, राजेश संगपाळ, किशोर खैरनार, राजेंद्र माळी, गणेश पाटील, सिकंदर पारधी, शिरीष पाटील, संभाजी पवार, विक्रांत चौधरी, निलेश वाणी, आबिद मेहतर, जुबेर शेख, मोहनीस शेख, सुरेश चौधरी, प्रशांत चौधरी, वसंत चव्हाण, युवराज चौधरी, विशाल बन्सी यांचा समावेश होता. धरणगाव नगर परिषदेकडून पुढील काळातही अशा प्रकारच्या कारवाया सुरूच राहतील, असे प्रशासनाकडून स्पष्ट करण्यात आले आहे.
