कुऱ्हा येथे बनावट दारूचा अड्डा उद्ध्वस्त; तरूणाला अटक

मुक्ताईनगर प्रतिनिधी । तालुक्यातील कुर्‍हा येथील भागात विनापरवाना बनावट दारू तयार करणाऱ्या तरूणाला स्थानिक गुन्हे शाखेच्या पथकाने अटक केली आहे. मुक्ताईनगर पोलीस ठाण्यात गुन्हा दाखल करण्यात आला आहे.

 

मुक्ताईनगर तालुक्यातील कुऱ्हा येथील एक तरूण विनापरवाना बनावट दारू तयार करून विक्री करत असल्याची गोपनिय माहिती जिल्हा पोलीस अधीक्षक डॉ. प्रवीण मुंडे, अप्पर पोलीस अधिक्षक चंद्रकांत गवळी आणि स्थानिक गुन्हे शाखेचे पोलिस निरीक्षक किरणकुमार बकाले यांना मिळाली. त्यानुसार आज बुधवार १२ जानेवारी रोजी स्थानिक गुन्हे शाखेचे पथकातील सहाय्यक फौजदार अशोक महाजन, सुनील दामोदर, दीपक पाटील, प्रमोद लाडवंजारी, किरण धनगर, नंदलाल पाटील, रवींद्र पाटील, सचिन महाजन, अशोक पाटील यांनी धडक कारवाई करत संशयित आरोपी अमोल एकनाथ वानखेडे रा. कुऱ्हा ता. मुक्ताईनगर यांच्या घरी छापा टाकला.  घराची झडती घेतली असता घराच्या गच्चीवर बनावट दारूचा साठा दिसून आला. पोलिसांनी ३६ हजार ७०० रुपये किमतीचा बनावट दारू जप्त करण्यात आली आहे.  या प्रकरणी मुक्ताईनगर पोलिस ठाण्यात संशयित आरोपी अमोल वानखेडे यांच्यावर गुन्हा दाखल करण्यात आला आहे.

आम्हाला विविध सोशल मंचावर फॉलो करा

Comments are closed, but trackbacks and pingbacks are open.

error: Content is protected !!