यावल-लाईव्ह ट्रेंड्स न्यूज प्रतिनिधी । राष्ट्रपिता महात्मा गांधी आणि माजी पंतप्रधान लालबहादूर शास्त्री यांच्या जयंतीनिमित्त यावल शहरात काँग्रेसच्या वतीने प्रभातफेरीचे आयोजन करण्यात आले. सत्य, अहिंसा, एकता, बंधुता आणि सद्भावनेचा संदेश देत काढण्यात आलेल्या या प्रभातफेरीत काँग्रेस पदाधिकारी, कार्यकर्ते, युवक तसेच विविध सामाजिक घटकांतील नागरिकांनी मोठ्या संख्येने सहभाग घेतला. Incredible India
शुक्रवारी सकाळी ७.३० वाजता शहरातील बोरावल गेट परिसरातून प्रभातफेरीला सुरुवात झाली. प्रारंभी राष्ट्रपिता महात्मा गांधी आणि माजी पंतप्रधान लालबहादूर शास्त्री यांच्या प्रतिमांना पुष्पहार अर्पण करून अभिवादन करण्यात आले. तसेच बोरावल गेट परिसरात भारतरत्न डॉ. बाबासाहेब आंबेडकर आणि छत्रपती शिवाजी महाराज यांच्या स्मृतीसही अभिवादन करण्यात आले. यानंतर शहरातील प्रमुख मार्गांवरून प्रभातफेरी मार्गक्रमण करत बुरुज चौक येथे पोहोचली. या वेळी सहभागी नागरिकांनी गांधी टोपी तसेच पांढरे कपडे परिधान केले होते. प्रभातफेरीच्या माध्यमातून महात्मा गांधींच्या सत्य आणि अहिंसेच्या विचारांसह लालबहादूर शास्त्री यांच्या साधेपणा, देशभक्ती आणि कर्तव्यनिष्ठेचा संदेश नागरिकांपर्यंत पोहोचविण्यात आला. प्रभातफेरीदरम्यान सत्य, अहिंसा, एकता आणि सद्भावना या मूल्यांचा अंगीकार करण्याचे आवाहन करण्यात आले. समाजात शांतता, बंधुभाव आणि परस्पर सन्मानाची भावना मजबूत करण्याचा संदेश या उपक्रमातून देण्यात आला. गांधी जयंतीनिमित्त देशभरात सत्य, अहिंसा आणि शांततेच्या विचारांना उजाळा देणारे विविध कार्यक्रम होत आहेत. Akashvani News
या प्रभातफेरीत यावल तालुका काँग्रेस अध्यक्ष प्रशांत भगवान पाटील, माजी पंचायत समिती उपसभापती लिलाधर विश्वनाथ चौधरी, काँग्रेस कमिटीचे यावल शहराध्यक्ष मो. हकीम मो. याकूब, माजी पंचायत समिती सदस्य विलास तायडे, महिला तालुका अध्यक्ष कल्पना अजय तायडे, अमोल भिरुड, सतीश आबा पाटील, उमर कच्ची, करीम मन्यार, समीर मोमीन, शरीफ शेठ, अशपाक शाह, अकिल सर, गुलाम गौस, नईम शेख, शरद राजपूत, टेनु सोनार, राजू बारी, वसीम खान साकळी, सुनील पाटील निमगाव, अभय महाजन, उमेश जावळे, गुडू पिंजारी, रिंकू बरडे, दीपक कोळी, पिरन तडवी, संतोष सुरवाडे, विकास पटाईत, सय्यद असद, सय्यद जावेद, फिरोज भाई यांच्यासह काँग्रेस पदाधिकारी व कार्यकर्ते सहभागी झाले. युवक तसेच विविध सामाजिक घटकांतील नागरिकांनीही प्रभातफेरीत सहभाग घेतला. गांधी टोपी आणि पांढऱ्या पोशाखामुळे प्रभातफेरीला विशेष स्वरूप प्राप्त झाले होते. शहरातील प्रमुख मार्गांवरून शिस्तबद्ध पद्धतीने प्रभातफेरी काढण्यात आली. प्रभातफेरी यशस्वी करण्यासाठी आयोजक, काँग्रेस पदाधिकारी, कार्यकर्ते, नागरिक तसेच प्रशासनाचे सहकार्य लाभले. उत्साहपूर्ण आणि शिस्तबद्ध वातावरणात प्रभातफेरीचा समारोप बुरुज चौक येथे करण्यात आला.
