पाचोरा – लाईव्ह ट्रेंडस न्यूज प्रतिनिधी । गेल्या दहा दिवसांपासून राज्यात सुरू असलेल्या राजकीय खेळास आज बंडखोर आमदार एकनाथ शिंदे यांच्या मुख्यमंत्रीपदी विराजमान झाल्याने आमदार किशोर पाटील समर्थकांनी पाचोऱ्यात आज जल्लोष केला.
पाचोरा – भडगाव मतदार संघाचे आमदार किशोर पाटील हे देखील एकनाथ शिंदे यांच्या गटात सामिल असल्याने त्यांच्या समर्थकांनी आज गुरुवार, दि. ३० जून रोजी सायंकाळी ७ वाजता शहरातील छत्रपती शिवाजी महाराज चौकात फटाक्यांची आतषबाजी करत व जोरदार घोषणाबाजी करत आनंदोत्सव साजरा करण्यात आला.
याप्रसंगी किशोर बारावकर, सुमित किशोर पाटील, विशाल राजपुत, राहुल पाटील, सागर पाटील, शिवदास पाटील, अक्षय जैन यासह कार्यकर्ते उपस्थित होते.
