मुंबई प्रतिनिधी । बिग-बी अमिताभ बच्चन यांनी आषाढी एकादशीनिमित्त वारकऱ्यांना शुभेच्छा दिल्या आहेत.
याबाबत अधिक माहिती अशी की, आज पहाटेपासून अमिताभ बच्चन यांनी 3 ट्विट केले आहे. विशेष म्हणजे बिग बींनी या शुभेच्छा मराठीमधून दिल्या आहेत. ‘चंद्रभागेच्या तिरी, उभा मंदिरी, तो पाहा विटेवरी’ असे म्हणत बच्चन यांनी सर्वांना शुभेच्छा दिल्या आहेत. या ट्विटमध्ये पोस्ट केलेल्या फोटोवर ‘हेची दान देगा देवा, तुझा विसर न व्हावा’, अशी विनंती बच्चन यांनी पांडुरंगाला केली आहे. दुसऱ्या ट्विटमध्येही अमिताभ यांनी विठ्ठल रुक्मिणीचा ध्यान आकर्षिक करणारा फोटो पोस्ट केला आहे. या शुभेच्छा देताना, ‘टाळ वाजे, मृदुंग वाजे, वाजे हरीची वीणा’, या ओळी मनाला सुखावून जातात. तिसऱ्या ट्विटमधील फोटोत विठ्ठल रखुमाई अतिशय आकर्षक पेहरावात दिसत आहेत. यात अमिताभ यांनी सर्वांना आषाढी एकादशीच्या मनपूर्वक शुभेच्छा दिल्या आहेत.
