जळगाव-लाईव्ह ट्रेंडस न्यूज प्रतिनिधी । गिरणा पंपींग रोडवरील रेल्वे रूळावर धावत्या रेल्वे समोर येवून एका प्रौढाने आत्महत्या केल्याची धक्कादायक घटना गुरूवार ३ मार्च रोजी सकाळी ११ वाजता समोर आली आहे. यावेळी जिल्हा शासकीय वैद्यकीय महाविद्यालयात नातेवाईकांनी गर्दी केली होती. याप्रकरणी दुपारी ४ वाजता जळगाव तालुका पोलीस ठाण्यात अकस्मात मृत्यूची नोंद करण्यात आली. दिपक सुपडू महाले वय ४५ रा. जनता राजा शाळा, कोल्हे हिल्स परिसर जळगाव असे मयत झालेल्या प्रौढाचे नाव आहे.
याबाबत अधिक माहिती अशी की, जनता राजा शाळा परिसरात दिपक महाले हे आपल्या परिवारासह वास्तव्याला होते. गुरूवार ३ मार्च रोजी सकाळी ११ वाजता घरातील कौटुंबिक वादातून त्यांनी गिरणा पपींग रोड परिसरातील धावत्या रेल्वेसमोर येवून आत्महत्या केली. ही घटना नातेवाईकांच्या लक्षात आल्यानंतर घटनास्थळी धाव घेतली होती. तर पोलीसांनी पंचनामा करून मृतदेह शासकीय वैद्यकीय महाविद्यालय दाखल करण्यात आला. त्यांच्या पश्चात पत्नी, दोन मुलं आणि विवाहित मुलगी असा परिवार आहे. यावेळी जळगाव तालुका पोलीसात अकस्मात मृत्यूची नोंद करण्यात आली आहे.
