जळगाव लाईव्ह ट्रेंडस न्यूज प्रतिनिधी । जळगाव शहरातील कलाभवनाजवळ दुचाकी वेळीवाकडी चालवून पोलीसांचे बॅरिकेटस् घेवून जाणाऱ्या वाहनावर आदळली. या अपघातात दोन्ही भाऊ गंभीररित्या जखमी झाले होते. यातील एका तरूणाचा उपचारादरम्यान मृत्यू झाल्याची घटना सोमवारी ९ डिसेंबर रोजी सकाळी १० वाजता घडली आहे. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे. ईश्वरसिंग मिहेरसिंग टाक (वय-३५) रा. सदगुरू नगर, जळगाव असे मयत झालेल्या तरूणाचे नाव आहे.
अधिक माहिती अशी की, जळगाव शहरातील कला भवनाजवळून ६ डिसेंबर रोजी सायंकाळी ६.३० वाजेच्या सुमारास पोलिस दलाचे वाहन (क्र. एमएच १९, एम ९२१४) हे सिंधी कॉलनीकडून पांडे डेअरी चौकाकडे जात होते. त्यावेळी ईश्वरसिंग मिहेरसिंग टाक (वय -३५) व त्यांचा भाऊ नेपालसिंद मिहेरसिंग टाक (वय-३६) हे दोघे भाऊ दुचाकी क्रमांक (क्र एमएच १९, टी ६८१८) ही वेडीवाकडी चालवत सिंधी कॉलनीकडे जात असतांना त्यांची दुचाकी पोलीसांच्या वाहनावर धडकली. या अपघतात दोन्ही भाऊ गंभीर जखमी झाले. दोघांना खासगी रूग्णालयात दाखल केले होते. यातील गंभीर जखमी झालेल्या ईश्वरसिंग मिहेरसिंग टाक याचा सोमवारी ९ डिसेंबर रोजी सकाळी १० वाजता उपचारादरम्यान मृत्यू झाला. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे.
