जळगाव-लाईव्ह ट्रेंडस न्यूज प्रतिनिधी । एमआयडीसी पोलीस ठाण्यात पिटा कायद्यांर्गत ताब्यात असलेली १९ वर्षीय तरूणी ही आशादीप महिलांच्या वसतीगृहातील भींतीवरून उडी घेवून पसार झाल्याची धक्कादायक घटन शनीवारी २५ जानेवारी रोजी १० वाजता उघडकीला आले आहे. याप्रकरणी जळगाव शहर पोलीस ठाण्यात भारतीय न्याय संहिता कलम २६३ प्रमाणे गुन्हा दाखल करण्यात आला आहे.
याबाबत अधिक माहिती अशी की, एमआयडीसी पोलीस ठाण्यात पिटा कायद्यांतर्गत गुन्हा दाखल करण्यात आला होता. या प्रकरणात पोलीसांनी १९ वर्षीय पिडीत मुलीला ताब्यात घेवून शासकीय प्रक्रीया राबवून तिला आशादीप महिलांचे वसतीगृहाच्या ताब्यात दिले होते. दरम्यान, शनीवारी २५ जानेवारी रोजी रात्री १० वाजेच्या सुमारास पिडीत तरूणीने वसतीगृहातील बाथरूमच्या बाजूच्या भिंतीवरून उडी घेवून पसार झाली. ही घटना उघडकीला आल्यानंतर शहर पोलीसांना माहिती देण्यात आली. याप्रकरणी वसतीगृहाचे परिविक्षा अधिकारी यांनी दिलेल्या फिर्यादीवरून रविवारी २६ जानेवारी रोजी मध्यरात्री २ वाजता भारतीय न्याय संहिता कलम २६३ प्रमाणे शहर पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक कल्याणी वर्मा ह्या करीत आहे.
