चाळीसगाव-लाईव्ह ट्रेंडस न्यूज प्रतिनिधी | भारतीय जनता पार्टी, व आमदार मंगेशदादा चव्हाण यांच्या संयुक्त विद्यमाने सोमवारी नमो चषक-२०२४ अंतर्गत भव्य मॅरेथॉन स्पर्धा आयोजीत करण्यात आली आहे.
या संदर्भातील वृत्त असे की, भारतीय जनता पक्षाच्या वतीने जानेवारी महिन्यात नमो चषक-२०२४ अंतर्गत ठिकठिकाणी क्रीडा स्पर्धांचे आयोजन करण्यात आले आहे. याच्याच अंतर्गत सोमवार दिनांक १ रोजी मॅरेथॉन स्पर्धा होणार आहे.
सकाळी सहा वाजता मॅरेथॉन स्पर्धेस प्रारंभ होणार आहे. याला खरजई नाका भडगाव रोड येथून सुरुवात छत्रपती शिवाजी महाराज चौक रेल्वे ब्रिज- महाराणा प्रताप चौक (कॉलेज पॉइंट) मालेगाव रोड मार्गे शिवनेरी पार्क येथे समारोप होणार आहे.
यात महिला आणि पुरूष यांच्यासाठी स्वतंत्र गट ठेवण्यात आलेले आहेत. यातील विजेत्यांना अनुक्रमे प्रथम बक्षीस ५००१; द्वितीय बक्षीस ४००१; तृतीय बक्षीस ३००१;चतुर्थ बक्षीस २००१ आणि पाचवे बक्षीस रूपये १००१ ठेवण्यात आले आहेत. सदर स्पर्धेत तालुक्यातील स्पर्धकांनी सहभागी होण्याचे आवाहन आमदार मंगेशदादा चव्हाण आणि भाजपच्या वतीने करण्यात आले आहे.
