जळगाव-लाईव्ह ट्रेंडस न्यूज प्रतिनिधी । जळगाव शहरातील मास्टर कॉलनी परिसरात क्रिकेट खेळण्याच्या झालेल्या वादातून एका १७ वर्षीय मुलाला तिन जणांनी शिवीगाळ करत मारहाण केल्याची घटना सोमवारी १ जुलै रोजी सायंकाळी ६.३० वाजता घडली आहे. याप्रकरणी मंगळवारी २ जुलै रोजी दुपारी दीड वाजता एमआयडीसी पोलीस ठाण्यात तीन जणांविरोधात गुन्हा दाखल करण्यात आला आहे.
याबाबत अधिक माहिती अशी की, मुशरफ खान सईद खान वय १७ रा. मास्टर कॉलनी, जळगाव हा मुलगा सोमवारी १ जुलै रोजी सायंकाळी ६.३० वाजता काही मुलांसोबत क्रिकेट खेळत होता. त्यावेळी त्यांचे अल्पवयीन मुलासोबत वाद झाला. त्यामुळे मुलासह मुलाचे वडील तौसिफ खान व जावेद खान सर्व रा. मास्टर कॉलनी, जळगाव या तिघांनी मुशरफ खान सईद खान या मुलाला बेदम मारहाण करून जबड्यातील तीन दात तोडून दुखापत केली. त्यामुळे मुलाला तातडीने शासकीय वैद्यकीय महाविद्यालयात दाखल करण्यात आले. मंगळवारी २ जुलै रोजी दुपारी दीड वाजता मुशरफ खान याने दिलेल्या फिर्यादीवरून अल्पवयीन मुलासह त्यांचे वडील तौसिफ खान आणि जावेद खान तिघे रा. मास्टर कॉलनी, जळगाव या तिघांवर गुन्हा दाखल करण्यात आला आहे. पुढील तपास पोलीस नाईक हेमंत जाधव हे करीत आहे.
