जळगाव प्रतिनिधी । कोरोना आजाराच्या पार्श्वभूमीवर शहरातील महानगरपालिकेच्या मालमत्ताधारकांना मागील वर्षापर्यंतचे थकित मालमत्ता कर व पाणीपट्टी भरण्यासाठी ऑनलाईन भरणा करण्याची सुविधा उपलब्ध करून देण्यात आले आहे.
महापालिकेच्या अंतर्गत येणाऱ्या थकित मालमत्ता कर व पाणीपट्टी रक्कम तसेच चालू आर्थिक वर्षाचे मालमत्त कर व पाणीपट्टी रक्कम भरण्यासाठी ३१ मार्च शेवटची मुदत असल्याने कोरोना आजाराच्या पार्श्वभूमीवर गर्दी होण्याची शक्यता असल्याने महापालिकेच्या वतीने ऑनलाईन भरणा करण्यासाठी https://www.jalgaonmc.org या वेबसाईटवर सुविधा उपलब्ध करून देण्यात आली आहे. तरी नागरीकांना कोरोना आजाराच्या पार्श्वभूमीवर थकित मालमत्ता कर ऑनलाईन पध्दतीने भरणा करावा असे आवाहन मनपा आयुक्तांना प्रसिध्दपत्रकाद्वारे केली आहे.
