धरणगाव-लाईव्ह ट्रेंड्स न्यूज प्रतिनिधी । धरणगाव तालुक्यातील शेतकऱ्यांसाठी महत्त्वाचा मानला जाणारा रोटवद–नादेड शेतरस्ता प्रकल्प आता पूर्णत्वाच्या मार्गावर असून, सुमारे ३ किलोमीटर लांबीच्या या रस्त्याचे काम अंतिम टप्प्यात पोहोचले आहे. या रस्त्यामुळे परिसरातील शेतकऱ्यांना शेतीमालाची वाहतूक सुलभ होणार असून दळणवळण व्यवस्थेलाही मोठा दिलासा मिळणार आहे.
ग्रामस्थांच्या म्हणण्यानुसार, अनेक वर्षांपासून या शेतरस्त्याची गरज भासत होती. रस्ता पूर्ण झाल्यानंतर शेतकऱ्यांना शेतीमाल बाजारपेठेत नेणे अधिक सोयीचे होणार आहे. तसेच पावसाळ्यात होणाऱ्या अडचणींमध्येही मोठी घट होणार असल्याचे ग्रामस्थांनी सांगितले.
पाहणी दौऱ्यावेळी शिवसेनेचे पदाधिकारी, कार्यकर्ते तसेच ग्रामस्थ मोठ्या संख्येने उपस्थित होते. रस्त्याचे उर्वरित कामही लवकरात लवकर पूर्ण करून हा मार्ग शेतकऱ्यांच्या सेवेत उपलब्ध करून देण्यात यावा, अशी अपेक्षा उपस्थितांनी व्यक्त केली.
रोटवद–नादेड शेतरस्ता प्रकल्पामुळे परिसरातील कृषी विकासाला चालना मिळण्याबरोबरच ग्रामीण भागातील संपर्क व्यवस्था अधिक मजबूत होणार असल्याचे मत नागरिकांकडून व्यक्त केले जात आहे.
