जळगाव-लाईव्ह ट्रेंडस न्यूज प्रतिनिधी । जळगाव शहरातील आकाशवाणी चौक परिसरात स्थित महादेव सुपर स्पेशालिटी हॉस्पिटल अत्याधुनिक वैद्यकीय सुविधा, तज्ज्ञ डॉक्टरांची सेवा आणि रुग्णकेंद्रित उपचारपद्धतीमुळे नागरिकांसाठी आशेचे केंद्र बनत आहे. विशेषतः हॉस्पिटलच्या न्यूरोलॉजी विभागात सर्वाधिक रुग्ण उपचारासाठी दाखल होत असून मेंदू व मज्जासंस्थेशी संबंधित आजारांवरील प्रभावी उपचारांमुळे रुग्णांचा विश्वास वाढत आहे.
महादेव हॉस्पिटलमध्ये हृदयरोग, किडनी विकार, न्यूरोसायन्स, जनरल मेडिसीन, जनरल सर्जरी, अस्थिरोग, कान-नाक-घसा विभाग, अतिदक्षता विभाग तसेच आपत्कालीन सेवा अशा विविध सुपर स्पेशालिटी सुविधा एकाच छताखाली उपलब्ध आहेत. त्यामुळे रुग्णांना मोठ्या शहरांमध्ये धाव घेण्याची गरज कमी झाली असून स्थानिक स्तरावरच गुणवत्तापूर्ण आरोग्यसेवा मिळत आहे.
रुग्णालयात आधुनिक वैद्यकीय यंत्रसामग्री, अनुभवी तज्ज्ञ डॉक्टर आणि प्रशिक्षित वैद्यकीय कर्मचाऱ्यांची टीम कार्यरत आहे. न्यूरोलॉजी, हृदयरोग आणि किडनीविकारांवरील उपचारांसाठी विशेष सुविधा उपलब्ध करून देण्यात आल्या असून अनेक गंभीर रुग्णांना यशस्वी उपचारांचा लाभ मिळत आहे.
महादेव हॉस्पिटलमध्ये २४ तास आपत्कालीन सेवा, सुसज्ज अतिदक्षता विभाग, अत्याधुनिक निदान केंद्र, औषधालय आणि विविध शस्त्रक्रियांसाठी आधुनिक ऑपरेशन थिएटर उपलब्ध आहे. अचूक निदान, वेळेवर उपचार आणि रुग्णांच्या गरजांना प्राधान्य देणारी सेवा यामुळे हॉस्पिटलने अल्पावधीतच परिसरातील नागरिकांचा विश्वास संपादन केला आहे.
हॉस्पिटल प्रशासनाच्या माहितीनुसार, आगामी काळात आणखी काही विशेष तज्ज्ञ सेवा सुरू करण्याची योजना असून उत्तर महाराष्ट्रातील रुग्णांना महानगरांच्या तोडीची आरोग्यसेवा स्थानिक स्तरावर उपलब्ध करून देण्यासाठी महादेव हॉस्पिटल कटिबद्ध आहे. त्यामुळे जळगाव आणि परिसरातील नागरिकांसाठी हे रुग्णालय आरोग्यसेवेचा विश्वासार्ह आधार बनत आहे.
