सावदा (ता. रावेर) – लाईव्ह ट्रेंड्स न्यूज प्रतिनिधी । निंभोरा गावात घरगुती साखरपुड्याच्या कार्यक्रमात दोन मुलींचा विवाह सोहळा यशस्वीरित्या पार पडताना सामाजिक बंधनांना उत्तम संदेश देणारा अनुभव समोर आला आहे. केळी व्यापारी अमजद बाबू खान यांच्या कुटुंबाने दि. २० ऑक्टोबर रोजी सकाळी दहा वाजता भवानी चौक, गायकवाड गल्ली, शाहूनगर येथील कार्यक्रमात आपल्या दोन कन्यांचा निकाह संपन्न करून अनेक अनिष्ट रूढी‑परंपरांना फाटा दिला आहे.
साखरपुड्याच्या निमित्ताने आयोजित या कार्यक्रमात विवाहसोहळा एकसाथ पार पडला. विवाहाच्या सोपस्कारात उपस्थित मान्यवरांनी अनिष्ट रूढी व दिखाऊ खर्च न करता विवाह साजरा करण्याचा निर्णय घेतला. विवाह विधी अंतर्गत मशिदीचे मौलवी मोहम्मद सादिक यांनी उपस्थित लोकांसमोरच दोन्ही कन्यांचा विधिवत निकाह करा दिला. कन्या अलफीया खान यांचा विवाह जसीब शेख यांच्याशी आणि कन्या अरशिया खान यांचा विवाह फैसल खान यांच्याशी याच कार्यक्रमात झाला. या वेळी समाजातील नेते व मान्यवर उपस्थित होते, ज्यात राष्ट्रवादी काँग्रेसचे नेते राजेश वानखेडे, माजी नगराध्यक्ष कुर्बान शेख (फैजपूर), तसेच हमीद शेख, फारुख शेख, भूपेंद्र सोनवणे, मोहम्मद पिंजारी, कैलास बालानी, सुनील माखीजा, आशिष कापडे, पवन परदेशी, मुक्तवली शरीफ खान, ग्रामपंचायत सदस्य दिलशाद शेख, दस्तगीर खाटीक आदी मान्यवरांचा समावेश होता.
सोहळाच्या निमित्ताने सामाजिक आदर्श दाखविण्यात आला की, विवाह म्हणजे जास्त खर्च, मोठी कार्यवाही नव्हे तर प्रेम आणि समर्पणाचे बंधन असणे आवश्यक आहे. अमजद खान यांच्या कुटुंबाने साखरपुड्यातच निकाह करून विवाह सोहळा एकत्र करून हे सिद्ध केले आहे की विवाहसोहळा साधेपणाने देखील आनंददायी आणि सामाजिकदृष्ट्या जबाबदार बनवता येतो. या निर्णयाचे उपस्थितांनी मोठ्या प्रमाणावर कौतुक केले आहे तसेच हा प्रकार इतरांकांसाठी प्रेरणादायी ठरत आहे.
