मुक्ताईनगर-लाईव्ह ट्रेंडस न्यूज प्रतिनिधी । मुक्ताईनगरमध्ये नुकताच इयत्ता दहावीच्या १९९४-९५ च्या बॅचच्या विद्यार्थ्यांनी एकत्र येऊन स्नेहमिलन आणि मैत्री सोहळा उत्साहात साजरा केला. हा सोहळा या बॅचचा पहिलाच सोहळा होता, त्यामुळे आयोजकांनी सर्व मित्र-मैत्रिणींना उपस्थित राहण्याची आग्रहाची विनंती केली होती.
या कार्यक्रमात सुमारे ६० ते ७० विद्यार्थी आणि विद्यार्थिनी उपस्थित होत्या. कार्यक्रमाचे अध्यक्ष म्हणून या बॅचचे शिक्षक एम.एस. पाटील सर, तसेच प्रमुख पाहुणे म्हणून एम.एन. सरोदे सर, एन.ओ. खर्चे सर आणि पोपे सर यांची उपस्थिती होती. कार्यक्रमाचे सूत्रसंचालन सरला पाटील आणि सुजाता गायकवाड यांनी केले. अभय भन्साली, संतोष जावरे, भिका बनकर, अनिल सुरपाटणे आणि इतर विद्यार्थ्यांनी या कार्यक्रमाचे यशस्वी आयोजन केले.
अनेक वर्षांनंतर मित्र-मैत्रिणी एकत्र आल्यामुळे कार्यक्रमाचे वातावरण आनंदी आणि भावनिक होते. सर्वांनी जुन्या आठवणी सांगितल्या आणि मैत्रीच्या नात्याला पुन्हा एकदा जिवंत केले. हा सोहळा केवळ जुन्या दिवसांच्या आठवणींचा नव्हता, तर मैत्रीच्या नात्याचा आदर आणि आपुलकी व्यक्त करणारा एक सुंदर प्रसंग होता. कार्यक्रमाच्या शेवटी सर्वांनी एकमेकांना भेटण्याचे आणि पुढील वर्षी अशाच प्रकारचा कार्यक्रम आयोजित करण्याचे आश्वासन दिले.
