रायपूर-लाईव्ह ट्रेंडस न्यूज वृत्तसेवा | छत्तीसगडचे उपमुख्यमंत्री अरुण साओ यांचा २० वर्षीय भाचा कबीरधाम जिल्ह्यातील धबधब्यात बुडाल्याची माहिती पोलिसांनी सोमवारी दिली. कबीरधामचे अतिरिक्त पोलीस अधीक्षक विकास कुमार यांनी दिलेल्या माहितीनुसार, तुषार साहू हा तरुण बोदला पोलीस ठाण्याच्या हद्दीत असलेल्या राणी दहरा धबधब्यात रविवारी संध्याकाळी मित्रांसोबत फिरत असताना बुडाला. शेजारच्या बेमेटारा जिल्ह्यातील बेमेटारा शहरातील रहिवासी असलेला तुषार हा उपमुख्यमंत्र्यांच्या बहिणीचा मुलगा होता, असे पोलिसांनी सांगितले.
प्राथमिक माहितीनुसार, धबधबा पाहताना तुषार पाण्यात शिरला आणि खोल गेला. त्याला बाहेर निघता आले नाही. पोलिसांचे एक पथक तात्काळ घटनास्थळी रवाना करण्यात आले आणि त्याला शोधण्यासाठी शोधमोहीम सुरू केली. सोमवारी सकाळी पाणबुड्यांनी तुषारचा मृतदेह शोधला आणि बाहेर काढला. जो पाण्यात खडकाखाली अडकला होता. प्राथमिक तपासात बुडून मृत्यू झाल्याची शक्यता वर्तवली जात असली तरी, पुढील तपास सुरू आहे. शेजारच्या बेमेटारा जिल्ह्यातील बेमेटारा शहरातील रहिवासी असलेला तुषार हा छत्तीसगडच्या उपमुख्यमंत्र्यांच्या बहिणीचा मुलगा होता, असे पोलिसांनी सांगितले.
