जळगाव-लाईव्ह ट्रेंडस न्यूज प्रतिनिधी । जळगाव तालुक्यातील शिरसोली गावातील हसन हुसेन बाबा दर्ग्याजवळ मित्राचे भांडण सोडवण्यासाठी आल्याच्या रागातून एका तरुणावर लोखंडी कड्याने मारहाण करून गंभीर दुखापत केल्याची घटना शनिवारी ११ मे रोजी सकाळी १० वाजता घडली. याप्रकरणी रात्री ८ वाजता एमआयडीसी पोलीस ठाण्यात एकावर गुन्हा दाखल करण्यात आला आहे.
पोलिसांकडून मिळालेली माहिती अशी की, समीर तडवी आणि विवेक ज्ञानेश्वर बारी दोन्ही रा. शिरसोली यांचे हसन हुसेन बाबा दर्ग्याजवळ शनिवारी ११ मे रोजी सकाळी १० वाजता भांडण सुरू होते. त्यावेळी फिरोज गुलाम तडवी वय-२३, रा. शिरसोली ता.जि. जळगाव या तरूणाने भांडण सोडवण्यासाठी मध्यस्थी केली. याचा राग आल्याने संशयित आरोपी विवेक ज्ञानेश्वर बारी याने त्याच्या हातातील लोखंडी कडे फिरोज तडीवीच्या डोक्यात टाकून मारहाण करत दुखापत केली. तसेच शिवीगाळ करत जीवे ठार मारण्याची धमकी दिली. याप्रकरणी अखेर रात्री ८ वाजता एमआयडीसी पोलिसात तक्रार देण्यात आली. त्यानुसार विवेक ज्ञानेश्वर बारी रा. शिरसोली यांच्या विरोधात एमआयडीसी पोलिसात गुन्हा दाखल करण्यात आला आहे. पुढील तपास पोलीस हेड कॉन्स्टेबल जितेंद्र राठोड हे करीत आहे.
