जळगाव प्रतिनिधी । एमआयडीसी पोलीस हद्दतील तालुक्यातील खेडी गावातील इंदीरा नगर आणि हॉटेल त्रिमुर्ती जवळील पिपल्स बँकेसमोर या दोन ठिकाणाहून दोन दुचाकींची चोरी झाल्याचे उघड झाले आहे. एमआयडीसी पोलीसात अज्ञात चोरट्यावर गुन्हा दाखल करण्यात आला आहे.
सविस्तर असे की, पहिल्या घटनेत प्रविण शालीक कोळी (वय-४२) रा. इंदीरा नगर खेडी. ता.जि.जळगाव यांच्या घरासमोर दुचाकी (एमएच १९ सीडी ८३५४) पार्किंगला ९ मे रोजी रात्री १०.३० वाजता लावली होती. मध्यरात्री अज्ञात चोरट्यांनी दुचाकी लांबविल्याचे १० मे रोजी सकाळी सात वाजता उघडकीला आले. तर दुसऱ्या घटनेत पवन रमेश कोळी (वय-३०) रा. कुसुंबा साईराम चौक हे बँकेच्या कामानिमित्त ८ मे रोजी दुपारी १२.३० वाजेच्या सुमारास जळगाव औरंगाबाद रोडवील जळगाव पिपल्स बँकेत दुचाकी (एमएच १९ बीए ७०३८) ने आले. बँकेच्या आवारातील मोकळ्याजागेत त्यांनी दुचाकी पार्किंगला लावली. १५ मिनीटात बँकेचे काम आटोपून ते घरी जाण्यासाठी निघाले असता जागेवर दुचाकी आढळून आली नाही. दोन्ही घटनेप्रकरणी एमआयडीसी पोलीसात गुन्हा दाखल करण्यात आला आहे. पुढील तपास सहाय्यक फौजदार आनंदसिंग पाटील आणि पोना. गणेश शिरसाळे करीत आहे.
