यावल-लाईव्ह ट्रेंडस न्यूज प्रतिनिधी । यावल राष्ट्रवादी युवक काँग्रेसच्या वतीने महाराष्ट्रातील प्रकल्प गुजरात येथे नेल्यासंदर्भात निषेध व्यक्त करत नायब तहसीलदार संतोष विंनते यांना निवेदन देण्यात आले.
काही दिवसापूर्वी वेदांत प्रकल्प गुजरात येथे पाठवला आता टाटा एअर बस सेकंड असे प्रकल्प गुजरात येथे पाठवण्यात आले. मागील २०१४ ते २०१९ मध्ये ही फडणवीस सरकारने आयएफएस सीएनएसजी यासारखे प्रकल्प गुजरात येथे नेण्यात तत्कालीन सरकारने सहकार्य केले. केंद्रीय नेतृत्वाची हुजेरेगिरी करण्यासाठी महाराष्ट्राच्या जनतेचा रोजगार हिसकावून गुजरातच्या घशात घालण्याचा केविलवाणा प्रकार हे सरकार करत आहे. याचा निषेध करण्यात आला. गेलेले प्रकल्प महाराष्ट्रात पुन्हा परत आणावेत. अन्यथा राष्ट्रवादी युवक काँग्रेसच्या वतीने रस्त्यावर उतरून आंदोलन करण्याचा इशारा देण्यात आला आहे.
याप्रसंगी निवेदन देताना राष्ट्रवादी युवक काँग्रेसचे तालुकाध्यक्ष ॲड. देवकांत पाटील, राष्ट्रवादी युवक काँग्रेसचे शहराध्यक्ष हितेश गजरे, राष्ट्रवादीचे समन्वयक किशोर माळी, तालुका सरचिटणीस हेमंत दांडेकर, जिल्हा युवक सरचिटणीस विनोद पाटील, तालुका कार्याध्यक्ष नरेंद्र शिंदे, तालुका सचिव विनोद पाटील, सदस्य गोपाळ पाटील, संघटक भूषण नेमाडे, विजय भोई, पवन पाटील, यश अडकमोल, लक्ष्मण धनगर आदींची निवेदन देते प्रसंगी उपस्थिती होती .
