यावल-लाईव्ह ट्रेंडस न्यूज प्रतिनिधी । यावल शहरातील प्रसिद्ध मॉल मध्ये काम करणाऱ्या एका तरूणीचा विनयभंग केल्याची घटना घडली असुन ,याबाबत तरुणीने दिलेल्या तक्रारीवरून गुन्हा दाखल करण्यात आला असुन संशयित आरोपीस अटक करण्यात आली आहे.
अधिक माहिती अशी की, यावल शहरातील भुसावळ मार्गावरील मुख्य चौकात असलेल्या एका मॉल मध्ये रविवार २८ मे रोजी सायंकाळी साडेसात वाजेच्या सुमारास कॅश काउंटर कामास असलेल्या एका १९ वर्षीय तरुणीची ईक्रामोद्दीन अल्लाउद्दीन शेख रा. आयशा नगर, यावल या तरुणाने तरूणी काम करीत असलेल्या मॉलमध्ये सामान घेण्याच्या बहाण्याने येवून तरुणीच्या जवळ आला असता “तु मला आवडते, तु माझ्याशी लग्न करणार का] तु माझ्या घरी ये आपण मजा करू” असे बोलुन तरूणीस लज्जा वाटेल असे कृत करून तिचा विनयभंग केला.
यावल पोलीस ठाण्यात त्या तरुणीने फिर्याद दाखल केल्याने गुन्हा दाखल करण्यात आला आहे. या गुन्ह्यातील संशयीतास पोलिसांनी अटक केले. पुढील तपास यावल पोलीस ठाण्याचे पोलीस निरिक्षक राकेश मानगावकर यांच्या मार्गदर्शनाखाली पोलीस हेड कॉस्टेंबल संजय देवरे हे करीत आहे.
