जामनेर प्रतिनिधी । शहरातील गिरीजा कॉलनी भागातील भरवस्तीत चोरट्यांनी वृद्ध दाम्पत्याला मारहाण करत लाखोंचा ऐवज लुटून नेल्याची घटना घडली असून या प्रकरणी पोलिसांत गुन्हा दाखल करण्यात आला आहे.
याबाबत अधिक माहिती अशी की शहरातील गिरीजा कॉलनी भागातील भरवस्तीत राहणारे बळीराम जयराम माळी(वय-७५) यांच्या घरात पहाटे तीनच्या सरम्यान घराच्या मागील बाजूने घरात प्रवेश करून चोरट्यांनी वृद्ध दाम्पत्याला मारहाण केली. यात बळीराम माळी यांना एका चोरट्याने गळ्याला हाताने गळा आवळुन पैसे कुठे आहेत ते सांग नाहीतर तुला संपवून टाकूअशी धमकी देत त्यांच्या जवळील कमरेला असलेल्या चाव्या हिसकावून घेतल्या.चोरट्यांनी झाडाझडती घेतली असता त्यांना एक लोखंडी जुनी पेटी आढळून आली.चोरट्यांनी पेटी घेऊन पोबारा केला.बळीराम माळी यांच्या फिर्यादीवरून चोरट्यांनी ८ लाख ५० हजार रोख,१० हजार रुपयांचे सोन्याचे बिस्कीट,व ५०० रु.किमतीची लोखंडी पेटी असा सुमारे ८,६०,५०० रुपयांचा ऐवज चोरून नेल्याची तक्रार दाखल केली आहे.
या प्रकरणी अज्ञात चोरट्यांच्या विरोधात जामनेर पोलीसात भा.द.वी.कलम-गु.र.नं-०१४२/२०२०,३८० प्रमाणे गुन्हा दाखल करण्यात आलेला आहे. घटनेचा पुढील तपास जामनेर पोलीस स्टेशनचे पोलीस निरीक्षक प्रताप इंगळे यांच्या मार्गदर्शनाखाली सहाय्यक पोलीस निरीक्षक धरमसिंग सुंदरडे हे करीत आहेत.
जळगाव जिल्ह्यातील प्रत्येक बातमी आता आपल्या स्मार्टफोनवर !
वेबसाईट : https://livetrends.news
फेसबुक पेज : https://www.facebook.com/livetrendsnews01
ट्विटर हँडल : https://twitter.com/LiveTrends_News
युट्युब चॅनल : https://bit.ly/342HcXH
इन्स्टाग्राम अकाऊंट : https://www.instagram.com/live_trends_news
व्हाटसअ‍ॅप क्रमांक : ९३७०४०३२००
