जळगाव प्रतिनिधी । शहरातील मानस हॉटेलजवळील सलार नगरात असलेल्या दुकानासमोर पार्किंग केलेली दुचाकी अज्ञात चोरट्याने लंपास केल्याची घटना २६ जानेवारी रोजी दुपारी घडली. याप्रकरणी एमआयडीसी पोलीसात अज्ञात चोरट्यांविरोधात गुन्हा दाखल करण्यात आला आहे.
याबाबत माहिती अशी की, लालु राधेलाल चौधरी (वय-३९) रा. मानस हॉटेलच्या जवळ सलार नगर यांचे अजिंठा चौफुलीजवळ बाबुंचे दुकान आहे. २६ जानेवारी रोजी सकाळी ९ वाजता दुचाकी क्रमांक एमएच १९/बीसी ८७१७ दुकानासमोर लावली होती. सायंकाळी घरी जाण्यासाठी दुचाकीजवळ गेले असता ती मिळून आली नाही. दुचाकी चोरी गेल्याप्रकरण एमआयडीसी पोलीसात अज्ञात चोरट्याविरोधात गुन्हा दाखल करण्यात आला आहे.
