दोन लाखांसाठी विवाहितेचा छळ

पाचोरा पोलीस ठाण्यात गुन्हा दाखल

पाचोरा-लाईव्‍ह ट्रेंडस न्यूज प्रतिनिधी ।  माहेरहुन चारचाकी कार घेण्यासाठी दोन लाख रुपये आणावे या मागणीसाठी दहीगाव संत ता. पाचोरा येथील माहेरवाशिणीचा सासरच्या मंडळींकडुन शारिरीक व मानसिक छळ सुरू होता. सततच्या होणाऱ्या त्रासाला कंटाळून अखेर विवाहितेने पती, सासरे व सासु या तिघांविरुद्ध पाचोरा पोलिस स्टेशनमध्ये गुन्हा दाखल केला आहे.

याबाबत सविस्तर वृत्त असे की, दहिगांव संत ता. पाचोरा येथील दिपाली हिचा विवाह कुसुंबा ता. जि. जळगाव येथील धनराज नामदेव जाधव यांचेशी दि. २७ एप्रिल २०१४ रोजी झाला होता. लग्नानंतर एक चांगली वागणुक दिल्यानंतर किरकोळ कारणावरून दिपाली हिचा शारीरिक व मानसिक छळ सुरू झाला. दिपाली हिचा पती इस्टेट ब्रोकर असल्याने कामावर जाण्यासाठी पती धनराज जाधव व सासरच्या मंडळींकडुन चारचाकी कार घेण्यासाठी माहेरहून २ लाख रुपये आणावे अशी मागणी दिपाली हिच्याकडे होवु लागली. या मागणीसाठी दिपाली हिचा वारंवार शारीरिक व मानसिक छळ सुरू झाला. अखेर सततच्या त्रासाला कंटाळून दिपाली हिने पाचोरा पोलिस स्टेशनमध्ये धनराज नामदेव जाधव (पती), नामदेव मोतीराम जाधव (सासरे) व शांताबाई नामदेव जाधव (सासु) सर्व रा. कुसुंबा ता. जि. जळगाव यांचे विरुध्द गुन्हा नोंदविण्यात आला असुन घटनेचा पुढील तपास पाचोरा पोलिस करत आहेत.

Comments are closed, but trackbacks and pingbacks are open.

Protected Content