जळगाव लाईव्ह ट्रेंड्स न्यूज प्रतिनिधी | शहरातील कांचन नगर परिसरात एका महिलेसह तिच्या मुलाला काहीही कारण नसताना शिवीगाळ करत जीवेठार मारण्याची धमकी दिल्याचा प्रकार शुक्रवार १४ जून रोजी सकाळी १०.३० वाजता घडला आहे. याप्रकरणी दुपारी ४ वाजता तीन जणांविरोधात शनिपेठ पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, विमलबाई काशिनाथ सपकाळे वय-७५, या महिला आपल्या परिवारासह वास्तव्याला आहे. दरम्यान शुक्रवार १४ जून रोजी सकाळी १०.३० वाजता याच परिसरात राहणारे सुनील उत्तम सोनवणे, राहुल उर्फ दगडू सोनवणे, लताबाई उत्तम सोनवणे सर्व रा. कांचन नगर यांनी काही कारण नसताना विमलबाई सपकाळे आणि त्यांचा मुलगा या दोघांना शिवीगाळ करत जीवेठार मारण्याचे धमकी दिली आहे. या घटनेबाबत महिलेने दुपारी ४ वाजता शनिपेठ पोलीस ठाण्यात धाव घेऊन तक्रार दिली. त्यानुसार शिवीगाळ करणारे सुनील उत्तम सोनवणे, राहुल उर्फ दगडू सोनवणे आणि लताबाई उत्तम सोनवणे या तिघांवर शनिपेठ पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस हेड कॉन्स्टेबल शशिकांत पाटील हे करीत आहे.
