धरणगाव लाईव्ह ट्रेंडस न्यूज प्रतिनिधी । धरणगाव तालुक्यातील टाकरखेडा रेल्वेरूळावर भरधाव वेगाने येणाऱ्या रेल्वेच्या धडकेत अनोळखी अंदाजे ४० वर्षीय तरूण गंभीर जखमी झाल्याची घटना रविवारी २९ डिसेंबर रोजी दुपारी ३ वाजेच्या सुमारास घडली आहे. जखमीस ग्रामीण रूग्णालयात दाखल केले वैद्यकीय अधिकारी यांनी मयत घोषीत केले. याप्रकरणी धरणगाव पोलीस ठाण्यात अकस्मात मृत्यूची नोंद करण्यात आली आहे.
याबाबत अधिक माहिती अशी की, धरणगाव तालुक्यातील टाकरखेडा गावाजवळील रेल्वे रूळाजवळील रेल्वे खंबा क्रमांक (२७३ च्या २८ व ३०)जवळ रविवारी २९ डिसेंबर रोजी दुपारी ३ वाजता एका धावत्या रेल्वेच्या धडकेत अनोळखी अंदाजे ४० वर्षीय तरूणाचा जागीच मृत्यू झाला. या घटनेची माहिती मिळाल्यानंतर धरणगाव पोलीस ठाण्याचे पोलीस कर्मचारी यांनी घटनास्थळी धाव घेवून खासगी वाहनातून जळगाव जिल्हा रूग्णालयात दाखल केले असता वैद्यकीय अधिकारी यांनी मयत घोषीत केले. याप्रकरणी धरणगाव पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ चंद्रकांत पाटील हे करीत आहे.
