भुसावळ-लाईव्ह ट्रेंडस न्यूज प्रतिनिधी । भुसावळकडून वरणगाव रस्त्यावरील निंभोरा शिवारात भरधाव वेगाने येणाऱ्या अज्ञात वाहनाने दिलेल्या धडकेत दुचाकीवरील दोघे मावसभाऊ गंभीर जखमी झाल्याची घटना मंगळवारी ३१ डिसेंबर रोजी रात्री ११.३० वाजता घडली आहे. याप्रकरणी बुधवारी १ जानेवारी रोजी सायंकाळी सव्वा सहा वाजता भुसावळ तालुका पोलीस ठाण्यात अज्ञात वाहनावरील चालकावर गुन्हा दाखल करण्यात आला आहे.
पोलीस सुत्रांनी दिलेली माहिती अशी की, सरफराज युनूस पिंजारी वय २७ रा. किनगाव खुर्द ता.यावल हा तरूण मंगळवारी ३१ डिसेंबर रोजी रात्री ११.३० वाजता त्याचा मावसभाऊ अनिस शकील पिंजारी रा. खिरोदा ता.रावेर यांच्या सोबत दुचाकीने वरणगावकडून भुसावळकडे जात असतांना रस्त्यावरील निंभोरे शिवारातील शेताजवळ समोरून भरधाव वेगाने येणाऱ्या अज्ञात वाहनाने जोरदार धडक दिली. या धडकेत सरफराज पिंजारी व त्याचा मावसभाऊ अनिस पिंजारी हे दोघे जखमी झाले. दोघांना भुसावळ येथील ट्रामा केअर सेंटर येथे दाखल करण्यात आले. याप्रकरणी बुधवारी १ जानेवारी रोजी सायंकाळी सव्वा सहा वाजता भुसावळ तालुका पोलीस ठाण्यात अज्ञात वाहनावरील चालकावर गुन्हा दाखल करण्यात आला आहे. पुढील तपास पोहेकॉ योगेश पालवे हे करीत आहे.
