भुसावळ लाईव्ह ट्रेंडस न्युज प्रतिनिधी । भुसावळ तालुक्यातील शिंदी शिवारातील शेतातील गोडावून मधून ४२ हजार रूपये किंमतीचा कापूस अज्ञात चोरट्यांनी चोरून नेल्याची घटना रविवारी ३ नोव्हेंबर रोजी सकाळी ८ वाजता समोर आली आहे. याप्रकरणी रात्री ९.३० वाजता भुसावळ तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
अधिक माहिती अशी की, जालमसिंग लालसिंग राजपूत वय ५० रा. शिंदी ता.भुसावळ हे आपल्या परिवारासह वास्तव्याला असून शेती करून ते आपला उदरनिर्वाह करतात. त्यांचे शिंदी शिवारातील शेत गट क्रमांक २०२ मध्ये शेत आहे. दरम्यान, २ नोव्हेंबर ते ३ नोव्हेंबर दरम्यान अज्ञात चोरट्यांनी त्यांच्या शेतातील गोडावून मध्ये ठेवलेले ४२ हजार रूपये किंमतीचा ७ क्विंटल कापूस चोरून नेला. हा प्रकार ३ नोव्हेंबर रोजी सकाळी ८ वाजता उघडकीला आला. याप्रकरणी रात्री ९.३० वाजता भुसावळ तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला. पुढील तपास पोहेकॉ सुभान तडवी हे करीत आहे.
