जळगाव लाईव्ह ट्रेंडस न्यूज प्रतिनिधी । जळगाव शहरातील मेहरूणमधील त्रिवेणी महादेव मंदिराजवळ पार्किंगला लावलेली बोलेरो पिकअप मालवाहू गाडी अज्ञात चोरट्यांनी चोरून येण्याची घटना गुरुवारी 28 नोव्हेंबर रोजी सकाळी नऊ वाजता समोर आली आहे याप्रकरणी रात्री नऊ वाजता एमआयडीसी पोलीस ठाण्यात अज्ञात चोरट्यांवर गुन्हा दाखल करण्यात आला.
विजय सिताराम वंजारी वय-५० रा. कुंभारवाडा मेहरून जळगाव हे आपले परिवारासह वास्तव्याला असून खाजगी वाहन चालवून ते आपला उदरनिर्वाह करत असतात. बुधवारी २७ नोव्हेंबर रोजी सायंकाळी ७ वाजता त्यांनी त्यांच्या मालकीची मालवाहू पिकअप गाडी क्रमांक (एमएच ४६ ई ४२२७) त्रिवेणी महादेव मंदिराजवळ पार्किंगला लावलेले होते. दरम्यान मध्यरात्री अज्ञात चोरट्यांनी ही वाहन चोरून नेले. ही घटना दुसऱ्या दिवशी गुरुवारी २८ नोव्हेंबर रोजी सकाळी ९ वाजता उघडकीला आले. त्यांनी वाहनाचा सर्वत्र शोध घेतला, परंतु वाहनाबाबत कोणतीही माहिती मिळाली नाही. अखेर त्यांनी रात्री ८ वाजता एमआयडीसी पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर गुन्हा दाखल करण्यात आला आहे. पुढील तपास पोलीस कॉन्स्टेबल दत्तात्रय बडगुजर करीत आहे.
