भुसावळ-लाईव्ह ट्रेंडस न्यूज प्रतिनिधी । भांडण का करतो असे बोलण्याचा रागातून एका तरुणाला शिवीगाळ करत लोखंडी फावड्याने मारहाण करून गंभीर दुखापत केल्याची घटना आचेगाव येथे घडली आहे. याप्रकरणी वरणगाव पोलीस ठाण्यात एकावर गुन्हा दाखल करण्यात आला.
अधिक माहिती आशी की, अजय उर्फ गजानन माळी वय-३५, रा.आचेगाव ता. भुसावळ हा तरुण आपल्या परिवारासह वास्तव्याला असून शेतीचे काम करून तो आपला उदरनिर्वाह करतो. दरम्यान सोमवारी १६ डिसेंबर रोजी सायंकाळी ६.३० वाजेच्या सुमारास गावातील राहणारा विशाल भगवान मोरे याला भांडण का करतो असे गजानन याने विचारले. या कारणावरून गजानन माळी याला शिवीगाळ करत लोखंडी फावड्याने विशाल मोरे याने मारहाण केली. त्यामुळे त्याच्या मानेवर आणि नाकावर गंभीर दुखापत केली. वरणगाव ग्रामीण रुग्णालयात उपचारासाठी दाखल करण्यात आले आहे. दरम्यान या घटनेबाबत मंगळवारी १७ डिसेंबर रोजी सकाळी ११ वाजता मारहाण करणारा विशाल मोरे यांच्या विरोधात गुन्हा दाखल करण्यात आला आहे. पुढील तपास पोलीस कॉन्स्टेबल प्रमोद कंखरे करीत आहे.
