जळगाव लाव्ह ट्रेंडस न्यूज प्रतिनिधी । जळगाव शहरातील टॉवर चौकात यावल बसमध्ये बसत असतांना गर्दीचा गैरफायदा घेवुन चोरट्याने ७५ वर्षीय आजिबाईच्या गळ्यातून पोत तोडून पोबारा केल्याची घटना सोमवारी १० मार्च रोजी दुपारी साडेचार वाजता घडली. पोत तोडल्यानंतर आजी-आजेाबांनी आरडाओरड केली मात्र, तो पर्यंत चोरटा पसार झाला होता. याबाबत रात्री ८ वाजता जळगाव शहर पोलिस ठाण्यात या प्रकरणी रात्री गुन्हा दाखल करण्यात आला आहे.
अधिक माहिती अशी की, यावल तालूक्यातील सांगवी खुर्द येथील मुळ रहिवासी अल्पभुधारक शेतकरी असलेले सदाशिव डिगंबर कोळी(वय-७९) पत्नी जयवंताबाई सह जळगावात आले होते. जखमी नातवाची भेट घेवुन आजी-आजोबा माघारी गावाला निघाले होते. शिवाजीनगर उड्डाणपुला जवळील बसस्टॉपवरुन बस घेवुन ते जाणार हेाते. परंतू ते तिथे न थांबता टॉवर चौकात आले. त्यावेळी जळगाव यावल बसमध्ये चढत असतांना जयवंताबाई कोळी यांना धक्काबुक्की करून अज्ञात चोरट्यांनी आजीच्या गळ्यातील आठ ग्रॅम वजनाची ४० हजार रूपये किंमतीची सोन्याची पोत चोरून नेत पळ काढला. या घटनेप्रकरणी जळगाव शहर पोलीस ठाण्यात तक्रार देण्यात आली. त्यानुसार पोलीस ठाण्यात रात्री ८ वाजता अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस कॉन्स्टेबल उमेश भांडारकर हे करीत आहे.
