रावेर (प्रतिनीधी ) तालुक्यातील के-हाळा बु.येथील एका तरुणाने गळफास घेवून आत्महत्या केल्याची घटना आज सकाळी घडली.यासंदर्भात रावेर पोलिस स्टेशनमध्ये अकस्मात मृत्यू नोंद करण्यात आली आहे.
रावेर तालुक्यातील के-हाळा बुद्रुक येथील इंदिरानगर भागातील राहुल संजय सावळे ( वय २३ ) या तरुणांने शेताच्या बांधावरील झाडाला ठिबक नळी बांधून गळफास घेऊन आत्महत्या केली. ही घटना आज सकाळी ९:३० वाजता उघड झाली. घटनास्थळी फौजदार नाजिम शेख यांनी भेट दिली. याबाबत आकाश सुनील तायडे यांनी खबर दिल्याने रावेर पोलीस स्टेशनमध्ये सिआरपिसी १७४ प्रमाणे १३/१९ या क्रमांकाने अकस्मात मृत्यूची नोंद करण्यात आली आहे. पोलिस निरीक्षक रामदास वाकोडे यांच्या मार्गदर्शनाखाली हे.काँ. श्रीराम वानखेडे व सहकारी पुढील तपास करीत आहे.
