पाचोरा – लाईव्ह ट्रेंडस न्यूज प्रतिनिधी । पाचोरा तालुका सहकारी शिक्षण संस्था संचलित श्री. गो. से. हायस्कूल पाचोरा येथील ‘ई लर्निंग’ हॉलमध्ये आज स्काऊट गाईड ऑनलाईन युनिट नोंदणी कार्यशाळेचे आयोजन करण्यात आले.
आज मंगळवार, दि. २८ जून रोजी या कार्यशाळेसाठी जिल्हा संघटक श्री. बेलवलकर आणि संदीप पाटील उपस्थित होते. याप्रसंगी पंचमडी येथे ए.एल.टी. हे विशेष प्रशिक्षण घेतलेले नगरदेवळा येथील संजय पवार व भातखंडे येथील शिक्षक श्री. पाटील यांचे शाळेच्या उपमुख्याध्यापिका प्रमिला वाघ, पर्यवेक्षक आर.एल.पाटील, ए.बी.अहिरे यांनी स्वागत आणि सत्कार केला.
याप्रसंगी पाचोरा व भडगाव तालुक्यातील विविध माध्यमिक विद्यालय यांचे स्काऊट मास्तर व गाईड कॅप्टन उपस्थित होते. सूत्रसंचालन एम. आर. पाटील यांनी केले.
