जळगाव-लाईव्ह ट्रेंडस न्यूज प्रतिनिधी । जळगाव जिल्ह्यातील शेतकऱ्यांसाठी आनंदाची बातमी आहे. केंद्र शासनाने निश्चित केलेल्या आधारभूत दराप्रमाणे, नाफेडच्या माध्यमातून रब्बी हंगाम २०२३-२४ साठी हरभरा, ज्वारी, मका आणि बाजरीची खरेदी सुरू झाली आहे. शेतकऱ्यांनी या संधीचा लाभ घेण्यासाठी नोंदणी करण्याचे आवाहन करण्यात आले आहे.
जिल्ह्यात हरभरा खरेदीसाठी १६ केंद्रे सुरू करण्यात आली आहेत. ही केंद्रे अमळनेर, पारोळा, चोपडा, धरणगाव, कासोदा, म्हसावद, जळगाव, भुसावळ, यावल, रावेर, मुक्ताईनगर, बोदवड, जामनेर, पाचोरा, भडगाव आणि चाळीसगाव या तालुक्यांमध्ये आहेत. तर, ज्वारी, मका आणि बाजरी खरेदीसाठी पाळधीसह याच १६ तालुक्यांमध्ये केंद्रे कार्यरत आहेत.
खरेदी आणि नोंदणीची माहिती:
हरभरा:
हमीभाव: ५६५० रुपये प्रति क्विंटल
नोंदणी कालावधी: २७ मार्च २०२५ ते २५ एप्रिल २०२५
खरेदी कालावधी: ०१ एप्रिल २०२५ ते २९ जून २०२५
ज्वारी:
हमीभाव: ३३७१ रुपये प्रति क्विंटल
नोंदणी कालावधी: ०२ एप्रिल २०२५ ते ३० एप्रिल २०२५
खरेदी कालावधी: ०१ मे २०२५ ते ३० जून २०२५
मका:
हमीभाव: २२२५ रुपये प्रति क्विंटल
नोंदणी कालावधी: ०२ एप्रिल २०२५ ते ३० एप्रिल २०२५
खरेदी कालावधी: ०१ मे २०२५ ते ३० जून २०२५
बाजरी:
हमीभाव: २६२५ रुपये प्रति क्विंटल
नोंदणी कालावधी: ०२ एप्रिल २०२५ ते ३० एप्रिल २०२५, खरेदी कालावधी: ०१ मे २०२५ ते ३० जून २०२५ शेतकऱ्यांनी हरभरा, ज्वारी, मका आणि बाजरीच्या खरेदीसाठी नोंदणी करून या योजनेचा लाभ घ्यावा, असे आवाहन करण्यात आले आहे. ऑनलाइन नोंदणीसाठी शेतकऱ्यांनी आधारकार्ड, बँक पासबुक, ऑनलाइन पोकपेरा नोंद असलेला ७/१२ उतारा आणि ८ अ ही कागदपत्रे घेऊन जवळच्या खरेदी केंद्रावर संपर्क साधावा, असे विभागीय संचालक मंत्री संजय वामनराव सावकारे, उपाध्याक्ष रोहित दिलीपराव निकम, संचालक संजय मुरलीधर पवार आणि जिल्हा पणन अधिकारी एस.एस. मेने यांनी केले आहे.
