सावदा-लाईव्ह ट्रेंड्स न्यूज प्रतिनिधी । दाऊदी बोहरा समाजाचे सर्वोच्च धार्मिक धर्मगुरू परमआदरणीय हिज होलीनेस डॉ. मुफद्दल सैफुद्दीन साहेब यांचे आगामी सोमवार, दि. १६ नोव्हेंबर २०२६ रोजी सकाळी ११:३० वाजता जळगाव जिल्ह्यातील रावेर तालुक्यातील ऐतिहासिक सावदा शहरात अत्यंत मंगलमय वातावरणात आगमन होणार आहे. धर्मगुरूंच्या या पवित्र आगमनाच्या पार्श्वभूमीवर सावदा शहरातील दाऊदी बोहरा समाजबांधवांमध्ये अभूतपूर्व उत्साह, आनंद आणि चैतन्याचे वातावरण पाहायला मिळत आहे.
परमपूज्य डॉ. मुफद्दल सैफुद्दीन साहेब यांच्या स्वागतासाठी संपूर्ण बोहरा समाजाने जय्यत तयारी सुरू केली असून, संपूर्ण शहरात स्वागताची जोरदार लगबग सुरू आहे. धर्मगुरूंच्या आगमनानिमित्त समाजातर्फे विशेष नियोजन करण्यात आले असून, त्यांच्या दर्शनासाठी आणि स्वागतासाठी समाजातील आबालवृद्ध अत्यंत उत्सुकतेने प्रतीक्षा करीत आहेत. विविध धार्मिक व सामाजिक कार्यक्रमांच्या माध्यमातून आपल्या लाडक्या धर्मगुरूंचे स्वागत करण्यासाठी समाजघटकांची लगबग अंतिम टप्प्यात आली आहे.
डॉ. मुफद्दल सैफुद्दीन साहेब यांच्या या आगमनामुळे सावदा शहराच्या धार्मिक, सांस्कृतिक आणि सामाजिक वातावरणात एक नवीन व उत्साहाचे पर्व अनुभवायला मिळणार आहे. धर्मगुरूंच्या स्वागतासाठी समाजातील प्रत्येक नागरिक आपापल्या परीने सक्रिय सहभाग नोंदवत आहे. सोमवारचा हा दिवस सावदा शहरातील दाऊदी बोहरा समाजासाठी अत्यंत अभिमानाचा आणि आनंदाचा ठरणार असून, संपूर्ण शहराचे लक्ष या ऐतिहासिक आगमनाकडे लागले आहे.
सावदा येथे १६ नोव्हेंबर रोजी दाऊदी बोहरा समाजाचे धर्मगुरू डॉ. मुफद्दल सैफुद्दीन यांचे आगमन होणार असून, त्यांच्या स्वागतासाठी जय्यत तयारी करण्यात आली आहे. या पवित्र भेटीमुळे समाजबांधवांमध्ये आनंदाची लाट पसरली आहे.
