मुक्ताईनगर-लाईव्ह ट्रेंडस न्यूज प्रतिनिधी | मुक्ताईनगर शहरातील शासकीय विश्रामगृहामध्ये नुकतीच तालुक्यातील इलेक्ट्रॉनिक मीडियाच्या प्रतिनिधींची एक विशेष बैठक पार पडली. या बैठकीत मुक्ताईनगर इलेक्ट्रॉनिक पत्रकार संघ स्थापन करण्यात आला. संघाच्या स्थापनेप्रसंगी सर्वानुमते संघाच्या पदाधिकाऱ्यांची निवड करण्यात आली.
या वेळी लाईव्ह ट्रेड न्यूजचे पंकज कपले यांची संघाच्या अध्यक्षपदी एकमताने निवड करण्यात आली. मंडे टू मंडे न्यूजचे अक्षय काठोके यांची उपाध्यक्षपदी, तर उत्तर महाराष्ट्र न्यूज नेटवर्कचे जिल्हा प्रतिनिधी विठ्ठल धनगर यांची सचिवपदी निवड करण्यात आली. याशिवाय खजिनदारपदी सचिन झनके, तर सल्लागारपदी प्रमोद सौंदळे व दत्तात्रय गुरव यांची नियुक्ती करण्यात आली.
मुक्ताईनगर हे शहर राजकीय, धार्मिक व शैक्षणिक वारशाने समृद्ध असून, येथे विविध इलेक्ट्रॉनिक माध्यमांचे प्रतिनिधी सक्रीयपणे काम करत आहेत. त्यांच्या समस्यांना व हक्कांना एकत्रित व्यासपीठ मिळावे, त्यांचा आवाज शासन-प्रशासन दरबारी पोहोचावा, या उद्देशाने संघ स्थापन करण्यात आल्याची माहिती यावेळी देण्यात आली. या बैठकीस अतिक खान, कैलास कोळी, पंकज तायडे, रवी गोरे, देव गायकवाड, दीपक माळी, सुमित बोदडे आदी पत्रकार उपस्थित होते. बैठकीचे सूत्रसंचालन अक्षय काठोके यांनी केले, तर आभार विठ्ठल धनगर यांनी मानले.
