पहूर, ता.जामनेर-लाईव्ह ट्रेंडस न्यूज प्रतिनिधी | पहूर येथून जवळच असलेल्या सोनाळा फाट्याजवळ मध्यरात्री महिंद्रा पिकअप गाडी पलटी होऊन झालेल्या अपघातात 14 जण जखमी झाल्याची घटना घडली. जामनेर रोडवरील सोनाळा फाट्याजवळ काल मध्यरात्री महिंद्रा पिकअप गाडी पलटी होऊन झालेल्या अपघातात एकूण 14 जण जखमी झाले. यातील धर्मा बारेला वय 30, जितेंद्र बारेला वय 16, सुभा राजू बारेला वय 13, तुळशीराम बारेला वय 35, अनिल तोवर सिंग बारेला वय 30 हे गंभीर जखमी झाले .असून यांना तात्काळ जिल्हा रुग्णालयात उपचारार्थ घालवण्यात आले आहे. तर नऊ जणांना पहूर ग्रामीण रुग्णालयात आणून त्यांच्यावर प्राथमिक उपचार करण्यात आले.
पहूर परिसरात गेल्या तीन दिवसांपासून अपघाताची मालिका सुरू असून यात परवा मध्यरात्री पहूर येथे जामनेर रोडवर मोटर सायकल व 407 च्या झालेल्या अपघातात दोन जण जागीच ठार झाल्याची घटना घडते न घडते तोच दुपारी साडेचार वाजेच्या सुमारास आयशर व यामाहा मोटरसायकल मध्ये झालेल्या अपघातात दोन जण गंभीर जखमी झाले होते. तर पाळधी जवळ झालेल्या अपघातात वाहन चालकाचा मृत्यू झाला होता. तसेच शेंदुर्णी येथेही ट्रॅक्टरवरून पडून एक जण मयत झाल्याची घटना घडली होती.
या सततच्या अपघातामुळे पहूर परिसरात भितीचे वातावरण पसरले आहे. दरम्यान काल मध्यरात्री झालेल्या महिंद्रा पिकअप गाडी पलटी होऊन झालेल्या अपघातात 14 जण जखमी झाले असले तरी अद्याप पर्यंत पहूर पोलीस स्टेशनला याबाबत गुन्हा दाखल झालेला नसल्याचे समजते. दरम्यान अमजद खान, डॉ. लियाकत यांनी तात्काळ घटनास्थळावरून जखमींना पहूर ग्रामीण रुग्णालयात आणले. यावेळी डॉक्टर मयुरी पवार, मंदा हटकर, डॉ. ऋषिकेश भालेराव, सुषमा मिसाल, ललित केवट, प्रदीप नाईक, देवेंद्र घोंगडे, सतीश बनसोडे, ऋषिकेश दाभोळे या सर्वांनी तातडीने उपचार केले.
