जुन्या वादातून तरूणावर चाकू हल्ला; एकाला अटक !

भुसावळ-लाईव्ह ट्रेंडस न्यूज प्रतिनिधी । भुसावळ शहरातील जुना सातारा रोडवरी विटभट्टीजवळ जुन्या वादातून एका ट्रॅक्टर चालकाला शिवीगाळ करत चाकूने वार करून गंभीर जखमी केल्याची घटना रविवारी २ फेब्रुवारी रोजी रात्री ८ वाजता घडली आहे. याप्रकरणी सोमवारी ३ फेब्रुवारी रोजी मध्यरात्री २ वाजता भुसावळ शहर पोलीस ठाण्यात एकावर गुन्हा दाखल करण्यात आला असून त्याला अटक करण्यात आली आहे.

याबाबत अधिक माहिती अशी की, संजय राजू पवार वय ३५ रा. जुना सातारा रोड, भुसावळ हा तरूण आपल्या परिवारासह वास्तव्याला असून ट्रॅक्टर चालवून तो आपला उदरनिर्वाह करतो. दरम्यान भुसावळ तालुक्यातील चोरवड गावात राहणारा गोलू कैलास मोरे वय २२ याने जुन्या वादातून संजय पवार याला शिवीगाळ करत चाकूने वार करून गंभीर जखमी केले, ही घटना रविवारी २ फेब्रुवारी रोजी रात्री ८ वाजता घडली आहे. याप्रकरणी संजय पवार यांनी भुसावळ शहर पोलीस ठाण्यात तक्रार दिली. त्यांनी दिलेल्या तक्रारीवरून सोमवारी ३ जानेवारी रोजी मध्यरात्री २ वाजता संशयित आरोपी गोलू कैलास मोरे याच्या विरोधात पोलीसात गुन्हा दाखल करण्यात आला आहे. पुढीलतपास सहाय्यक पोलीस निरीक्षक अनिल मोरे हे करीत आहे.

Protected Content