अमळनेर लाईव्ह ट्रेंडस न्यूज प्रतिनिधी । अमळनेर तालुक्यातील एका गावात राहणारी १६ वर्षीय अल्पवयीन मुलीला काहितरी आमीष दाखवत फूस लावून पळवून नेल्याची घटना बुधवारी २ एप्रिल रोजी पहाटे ३ वाजता समोर आली आहे. याप्रकरणी अमळनेर पोलीस ठाण्यात एका विरोधात अपहरणाचा गुन्हा दाखल करण्यात आला आहे.
याबाबत अधिक माहिती अशी की, अमळनेर तालुक्यातील एका गावात १६ वर्षीय अल्पवयीन मुलगी ही आपल्या कुटुंबासह वास्तव्याला आहे. बुधवारी २ एप्रिल रोजी पहाटे ३ वाजता घरात सर्वजण झोपलेले असतांना पीडीत मुलीला सारंग रविंद्र बैसाने रा. शनीपेठ, अमळनेर याने काहीतरी आमीष दाखवत तिला फूस लावून पळवून नेले. ही बाब पिडीत मुलीच्या नातेवाईकांच्या लक्षात आल्यानंतर त्यांनी तिचा सर्वत्र शोध घेतला परंतू कोणतीही माहिती मिळाली नाह. अखेर तिच्या पालकांनी अमळनेर पोलीस ठाण्यात धाव घेवून खबर दिली. त्यांनी दिलेल्या खबरीवरून संशयित आरोपी सारंग रविंद्र बैसाने याच्या विरोधात अमळनेर पोलीस ठाण्यात गुन्हा दाखल करण्यात आला आहे. पुढीलतपास पोलीस उपनिरीक्षक नामदेव बोरकर हे करीत आहे.
