पाटणा-लाईव्ह ट्रेंडस न्यूज वृत्तसेवा | जेडीयूचे ज्येष्ठ नेते केसी त्यागी यांनी वैयक्तिक कारणास्तव पक्षाच्या राष्ट्रीय प्रवक्तेपदाचा राजीनामा दिला आहे. त्यांच्या जागी पक्षाने राजीव रंजन यांना राष्ट्रीय प्रवक्ते बनवले आहे. पक्षाचे सरचिटणीस अफाक अहमद खान यांनी पत्र जारी करून ही माहिती दिली आहे. पत्रात लिहिले आहे की, ‘जेडीयूचे राष्ट्रीय अध्यक्ष नितीश कुमार यांनी राजीव रंजन प्रसाद यांची राष्ट्रीय प्रवक्ता पदावर नियुक्ती केली आहे. केसी त्यागी यांनी वैयक्तिक कारणामुळे राजीनामा दिला आहे.
पक्ष वैयक्तिक कारणांमुळे हा राजीनामा म्हणत असला तरी, जेडीयूचा दीर्घकाळ प्रमुख चेहरा असलेल्या केसी त्यागी यांना नुकत्याच केलेल्या वक्तव्यांमुळे राजीनामा द्यावा लागल्याची चर्चा राजकीय वर्तुळात आहे. पक्षाच्या अधिकृत कार्यपद्धतीपेक्षा वेगळ्या असलेल्या अग्निवीरसह विविध योजना आणि मुद्द्यांवर त्यांनी प्रश्न उपस्थित केल्याचीही चर्चा आहे. पक्षनेतृत्व आणि वरिष्ठ नेत्यांशी सल्लामसलत न करता त्यांनी अनेक प्रसंगी विधाने केली. त्यामुळे पक्ष आणि त्याचा घटक पक्ष भाजपमध्ये नाराजी आहे.
