रावेर प्रतिनिधी । अयोध्या येथील राम मंदिराच्या भूमिपुजनासाठी आमंत्रण मिळाल्याचा बहुमान मिळाल्याबद्दल आ. शिरीष चौधरी यांनी महामंडलेश्वर जनार्दन हरीजी महाराज यांचा सत्कार करून त्यांना शुभेच्छा दिल्या.
महामंडलेश्वर जनार्दन हरीजी महाराज यांना दिनांक ५ ऑगस्ट रोजी प्रभू श्रीराम जन्म भूमी अयोध्या येथे भव्य मंदीर निर्माण कार्याच्या शिलान्यासासाठी आमंत्रित केले आहे. जनार्दन महाराज हे दिनांक २ ऑगस्ट रोजी तापी पूर्णा संगमाचे जल तसेच संत मुक्ताई व योगी चांगदेव यांच्या पावन भूमीतील पवित्र माती सोबत घेऊन अयोध्या येथे प्रस्थान करीत आहेत. त्या प्रित्यर्थ प. पू. स्वामी जनार्दन महाराज यांना मतदार संघातील जनतेच्या वतीने शुभेच्छा देण्यासाठी व प. पू. स्वामीजींचे आशीर्वाद घेण्यासाठी आमदार शिरिषदादा चौधरी यांनी महाराजांची भेट घेतली.
यावेळी शाल,हार,श्रीफळ,व पुष्पगुच्छ देऊन आशीर्वाद घेतले. तसेच त्यांना शुभेच्छा दिल्या. याप्रसंगी त्यांच्या सोबत डॉ. सुरेश पाटील खानापूर व लोकसेवक मधूकरराव चौधरी फार्मसी कॉलेज चे प्राचार्य व्ही. आर.पाटील आदी मान्यवरही उपस्थित होते.
