जळगाव प्रतिनिधी । जळगाव महानगरपालिकेतील सफाई कर्मचाऱ्याचा अकस्मात मृत्यू आज सायंकाळी शिवाजी नगरातील राहत्या घरी झाला. याप्रकरणी पोलीसात कोणतीही नोंद करण्यात आलेली नाही.
मिळालेल्या माहितीनुसार, सचिन मोहन जाधव (वय-45) रा. शिवाजी नगर हे जळगाव महानगरपालिकेत सफाई कर्मचारी म्हणून काम करतात. गेल्या काही महिन्यांपासून ते आजारी राहत होते. त्यांनी आज दुपारी 4 वाजेच्या सुमारास रक्ताच्या उलट्या केल्या. त्यांना नातेवाईकांनी तातडीने जिल्हा वैद्यकिय महाविद्यालयात उपचारार्थ दाखल केले. वैद्यकिय अधिकारी यांनी तपासणी करून मयत घोषीत केले. याबाबत पोलीसात अद्यापपर्यंत नोंद करण्यात आलेली नाही.
