जळगाव प्रतिनिधी । जिल्हा नियोजन समितीवर १८ सदस्यांची नियुक्ती करण्यात आली असून यात ४ नामनिर्देशीत तर १४ विशेष निमंत्रीतांचा समावेश आहे.
जिल्ह्याच्या नियोजन समितीत १८ सदस्यांची नियुक्ती करण्यात आली आहे. यात १४ जणांची विशेष निमंत्रित तर ४ नामनिर्देशित सदस्यांची नियुक्ती करण्यात आली आहे. नामनिर्देशित सदस्यांमध्ये जिल्हा बँकेच्या अध्यक्षा रोहिणी खडसे- खेवलकर (रा.मुक्ताईनगर), डॉ. डी. जी.पाटील (रा.धरणगाव); शिवाजीराव रावसाहेब पाटील (रा. धानवड, ता.जळगाव), राधेश्याम माधवलाल कोगटा (रा.विसनजी नगर), यांचा समावेश आहे.
तर, विशेष निमंत्रितांमध्ये माजी आमदार दिलीप ओंकार वाघ (रा. जयदुर्गानगर, पाचोरा), माजी महापौर नितीन बालमुकुंद लढ्ढा (रा. सालारनगर, जळगाव), संजय भास्करराव गरुड (रा. शेंदुर्णी, ता. जामनेर), मनोहर गिरधर पाटील (रा. निपाणे, ता.पाचोरा), साहेबराव धर्मा सोनवणे (रा. चोपडा), विजय सुदाम पाटील (रा. टिटवी, ता. पारोळा), वाल्मीक विक्रम पाटील (रा. त्र्यंबकनगर, जळगाव), मनोहर गिरधर खैरनार (रा. मुक्ताईनगर), भागवत पंडित पाटील (रा. पाडळसरे, ता. अमळनेर), डॉ. सुरेश श्यामराव पाटील (रा. चहार्डी, ता.चोपडा), शेखर सोपान पाटील (रा. सावखेडासीम, ता. यावल) आणि प्रल्हाद रामदास महाजन (रा. रावेर) या सदस्यांचा समावेश आहे.
