रावेर-लाईव्ह ट्रेंडस न्यूज प्रतिनिधी | रावेर तालुक्यातील रावेर शहरासह विविध गावांमध्ये मोठ्या प्रमाणात हायमास्ट लॅम्प लावले गेले आहेत. हे लॅम्प स्थानिक लोकप्रतीनिधींच्या फंडातून बसवण्यात आले असून, सुरुवातीला नागरिकांच्या सुरक्षिततेसाठी आणि रात्रीच्या वेळी प्रकाशमानतेसाठी लॅम्प लावण्यात आली होती. परंतु, सध्या या लॅम्पची दुरुस्ती कोणत्याही शासकीय अथवा स्थानिक पातळीवरून केली जात नाही.
तालुक्यातील अनेक हायमास्ट लॅम्प नादुरुस्त स्थितीत असून, हे लॅम्प केवळ शो-पीस ठरत आहे. यामुळे रात्रीच्या वेळी नागरिकांना अंधाराचा सामना करावा लागत आहे. काही ठिकाणी लॅम्प पूर्णपणे बंद पडले आहे. तर काही ठिकाणी ते नीट काम करत नाहीत. परिणामी, नागरिकांना त्रास सहन करावा लागत आहे. नागरिकांमध्ये ही तीव्र नाराजी आहे. यामुळे लोकप्रतीनिधींच्या कार्यक्षमतेविषयी प्रश्नचिन्ह निर्माण होत आहे.
रावेर शहरातील नागरिक संतोष पाटील म्हणतात,”आम्ही अनेकदा हायमास्ट लॅम्पच्या दुरुस्तीची मागणी केली आहे, परंतु आमच्या तक्रारींकडे दुर्लक्ष केले जाते. यामुळे रात्रीच्या वेळी चालणेही अवघड होते.”अशा प्रकारच्या परिस्थितीमध्ये नागरिकांचे मत आहे की, हायमास्ट लॅम्पची त्वरित दुरुस्ती करून नागरिकांच्या सुरक्षिततेसाठी उपाययोजना केली पाहिजे. तसेच, लोकप्रतीनिधींच्या निधीतून लावलेले लॅम्प योग्य प्रकारे देखभाल आणि दुरुस्तीच्या अभावामुळे निष्क्रिय होत आहेत.रावेर तालुक्यातील परिस्थिती पाहता, प्रशासनाने या बाबीला गांभीर्याने घेतले पाहिजे आणि त्वरित उपाययोजना केली पाहिजे. योग्य देखभाल आणि दुरुस्तीच्या माध्यमातून हायमास्ट लॅम्पची कार्यक्षमता पुनर्स्थापित करणे अत्यावश्यक आहे, जेणेकरून नागरिकांची सुरक्षा सुनिश्चित केली जाईल.
