कासोदा, ता.एरंडोल (प्रतिनिधी) येथे आज दुपारी १.०० वाजता पावसाला सुरवात झाली तर २.३० पर्यंत मुसळधार पाऊस झाला, पाऊस एवढा दमदार झाला की, गावात सगळीकडे पाणीच पाणी झाले होते. प्रत्येक सखल भागात पाणी साचल्याचे दृष्य दिसु लागले होते. काही काळ भडगावकडील वाहतूक ठप्प झाली होती तर गावातील व गावाबाहेरील नाले तुडुंब भरून वाहत होते. प्राथमिक माहितीनुसार या पावसामुळे कुठल्याही प्रकारच्या नुकसान झाल्याचे कळलेले नाही. दमदार पाऊस पडल्याने सगळीकडे उत्साहाचे वातावरण होते.
