खामगाव प्रतिनिधी । पत्रकार दिनानिमित्त खामगाव प्रेस क्लबच्या वतीने (दि. ५) पत्रकार व त्यांच्या कुटुंबीयांसाठी नांदुरा रोडवरील अग्रवाल हॉस्पिटल येथे सकाळी १० ते दुपारी २ या वेळेत आरोग्य तपासणी शिबिराचे आयोजन करण्यात आले आहे.
या शिबिरामध्ये हाडांची तपासणी; मान, कंबर व गुड़घ्याची तपासणी; तसेच कान व वाचादोष समस्यांचे निराकरण करण्यात येणार आहे. शहरातील अस्थिरोग विशेषज्ञ डॉ. नितीश जगदीश अग्रवाल व श्रवण व वाचा विशेषज्ञ डॉ. मंगेश धंदरे हे तपासणी करणार आहेत. या शिबिरात सर्व पत्रकार बांधवांनी उपस्थित राहून शिबिराचा लाभ घ्यावा असे आवाहन खामगाव प्रेस क्लब खामगाव च्या वतीने करण्यात आले आहे
