नवी दिल्ली प्रतिनिधी । दूरसंचार उद्योगात स्पर्धा लक्षणीय वाढली आहे. कंपन्या ग्राहक आणि महसूल वाढविण्यासाठी नव-नवीन योजना आखत आहेत. आजकालचा दुसरा ट्रेंड म्हणजे कंपन्या आपल्या जुन्या योजनांचा वेगाने नूतनीकरण करत असून वोडाफोनने आपल्या नवीन पोस्टपेड प्लानने वेग घेतला आहे. या प्लानप्रमाणे कंपनी आता आपल्या ग्राहकांना १५० जीबीचा अतिरिक्त डेटा देणार आहे
हा व्होडाफोनचा एंट्री-लेव्हल पोस्टपेड प्लान आहे. या प्लानची किंमत ३९९ रुपये आहे. यात दरमहा ग्राहकांना ४० जीबी डेटा देण्यात येत आहे. ग्राहकांना या प्लानमधील डेटाखेरीज आणखी बरेच चांगले फायदे दिले जात आहेत. वोडाफोनचा हा प्लान २०० जीबीच्या रोलओव्हर मर्यादेसह आला आहे. त्यातील सर्वात विशेष म्हणजे ६ महिन्यांसाठी १५० जीबी अतिरिक्त डेटा उपलब्ध आहे. हा प्लान घेणाऱ्या नव्या सबस्क्रायबर्सनाच हा १५० जीबी डेटाचा लाभ मिळणार आहे. अतिरिक्त स्तरावरील लाभ प्रवेश स्तराच्या योजनांमध्ये उपलब्ध आहे. कंपनी सध्या केवळ एन्ट्री लेव्हल प्लॅनसह आपली एक्स्ट्रा डेटा बेनिफिट ऑफर देत आहे. म्हणूनच ३९९ रुपयांचा प्लान घेणाऱ्या नव्या युजर्सनाच केवळ हा डेटा मिळणार आहे. ही योजना केवळ एकल कनेक्शन पर्यायासह येते. याचा अर्थ असा आहे की २०० जीबीच्या रोलओव्हर मर्यादेसह उपलब्ध असलेला अतिरिक्त डेटा केवळ एक यूजरच वापरेल. हा अतिरिक्त डेटा ६ महिन्यांसाठी वैध आहे.
या प्लानमध्ये आणखीही काही बेनिफिट्स आहेत. यात वोडाफोन प्लेसह अन्य सेवांचे मोफत सबस्क्रिप्शन मिळत आहे. कंपनीचा दावा आहे की या योजनेंतर्गत नवीन ग्राहकांना २,४९७ रुपयांचा फायदा मिळत आहे. वोडाफोनचा हा प्लान २०० जीबी रोलओव्हर मर्यादेसह १५० जीबी डेटा देतो. त्यामुळे ग्राहकांना कधी डेटा संपण्याची चिंताच भेडसावणार नाही.
